Para celebrar o Samaín este curso, entre as moitas actividades que levamos a cabo no centro, decidimos elaborar entre todos e todas un conto terrorífico encadeado no que todas as aulas participasen, ben redactando ou ben ilustrando. E o resultado non puido ser máis satisfactorio.
Amosámovolo a continuación!
No CEIP Antonio Carpintero
seguimos celebrando a Rosalía aínda no mes de marzo porque, como dixemos moitas
veces, o 23F son todos os días do ano.
Desta volta, o alumando de 6º de
EP recítanos algúns dos poemas máis famosos de Rosalía de xeito maxistral.
Para conmemorar o Día de Rosalía,
hoxe 23 de febreiro, as nenas e nenos do CEIP Antonio Carpintero realizaron
distintas actividades que tiveron como fin último recordar e celebrar á nosa
autora máis importante e famosa.
Os alumnos e alumnas de 1º e 2º
de EP realizaron un minilibro sobre a autora.
Os alumnos e alumnas de 1º de EP realizaron un
precioso “audiopoema” do famoso poema “Adiós río, adiós fontes”.
Entre tod@s quixemos berrar alto e claro que Rosalía segue viva en nós!!!
Dende este ano pasaremos a
celebrar o Día de Rosalía o 23 de febreiro. O motivo deste cambio no calendario
foi que a investigadora Sagrario Abelleira documentou datos ata o de agora
descoñecidos sobre Rosalía que nos indican que a verdadeira data de nacemento
da autora é o 23 de febreiro de 1837, e non o 24 como se cría ata o momento.
Ademais, este ano contamos con
outra novidade sobre esta conmemoración: é a primeira vez que se inclúe o Día
de Rosalía na relación de datas a celebrar polos centros escolares.
Por estes motivos e por outros moitos
como que sen Rosalía probablemente non teriamos hoxe en día a conciencia
colectiva de termos unha lingua de noso, que foi a primeira muller que ergueu a
bandeira da defensa da lingua ou a primeira que escribiu en lingua galega o seu
Cantares gallegos, este ano quixemos celebrar o seu día por todo o alto.
Para conmemorar, pois, o Día de
Rosalía decidimos facer un gran mural en tea no que bordamos (si, lestes ben)
un poema de Rosalía do seu poemario Follas novas e pintamos diferentes
elementos do poema representado.
A seguir achegamos certas probas
que amosan o proceso colaborativo de elaboración do mural e o resultado final
que foi pendurado na entrada exterior do centro e que nos lembrará cada día á
nosa autora por excelencia, a que soubo reflectir o que eramos, e somos, como
pobo.
Longa
vida a Rosalía!
Cada 7 de febreiro, trala declaración institucional no Parlamento
de Galicia, a Asociación de Medios en Galego celebra o Día dos Medios
en Galego. Este ano baixo o lema: BOTA A LINGUA A PACER.
É
esta unha celebración que lembra a saída á luz da primeira publicación
xornalística realizada integramente en galego, O Tío Marcos d´A Portela,
en 1876.
Dende
o CEIP Antonio Carpintero queremos convidarvos a botar a lingua a pacer todos
os días do ano e en calquera contexto!!
Ademais dos adornos de Nadal para decorar o andar infantil do
hospital e as postais de felicitación, os alumnos e alumnas de 1º, 2º e 4º de
Educación Primaria, realizaron uns vídeos de felicitación para as nenas e nenos
que están a pasar estas datas no hospital.
Ola a todos e a todas!
En primeiro lugar,
dende o Equipo de Dinamización da Lingua Galega, queremos darvos as grazas a
todas as nenas e nenos no CEIP Antonio Carpintero polo marabilloso traballo que
realizastes estes días para a aula hospitalaria de Ourense.
Queremos que teñades
moi presente que levastes un sorriso grande e moita ledicia en forma de
debuxos, adornos de nadal, felicitacións doces e cheas de esperanza... En palabras
da profe Vanesa:
"Ós nenos e nenas encantáronlles todas as cousas que mandastes. Estivemos moi entretidos decorando o andar do hospital. Mil grazas a todos vós".
Para celebrar o Samaín este curso, entre as moitas actividades que levamos a cabo no centro, decidimos elaborar entre todos e todas ...
